Կայացավ հումանիտար և հասարակական գիտությունների միջազգային օլիմպիադայի եզրափակիչ փուլը
16 հունիս 2026
2026 թվականի հունիսի 10-ին տեղի ունեցավ ԱՊՀ Միջխորհրդարանական վեհաժողովի անդամ պետությունների դպրոցականների հումանիտար և հասարակական գիտությունների միջազգային օլիմպիադայի եզրափակիչ փուլը։
Օլիմպիադան համախմբել էր ավագ դպրոցների տաղանդավոր աշակերտների, որոնք ցուցադրել էին բարձր պատրաստվածություն, խոր գիտելիքներ և զարգացած քննադատական մտածողություն։ Մրցույթի հիմնական առարկաներն էին ռուսաց լեզուն և հասարակագիտությունը։
Մրցութային ծրագիրը նպատակ ուներ ոչ միայն գնահատելու մասնակիցների տեսական գիտելիքները, այլև զարգացնելու նրանց կարողությունները՝ հիմնավոր կերպով ձևակերպելու սեփական տեսակետը, վերլուծելու հասարակական գործընթացները և գրագետ կիրառելու լեզվական միջոցները։
Նման նախաձեռնությունները կարևոր նշանակություն ունեն երիտասարդների մտավոր և ստեղծագործ ներուժի զարգացման, ինչպես նաև կրթական և մշակութային կապերի ամրապնդման տեսանկյունից։ Դրանք հնարավորություն են տալիս բացահայտելու և խրախուսելու տաղանդավոր աշակերտներին, միաժամանակ նպաստելով ԱՊՀ երկրների երիտասարդության միջև համագործակցության, փոխըմբռնման և միջմշակութային երկխոսության զարգացմանը։
