Առցանց հանդիպում խաղ-մրցույթի մասնակիցների հետ՝ երկրորդ փուլի նախապատրաստական աշխատանքների մեկնարկ
06 Նոյեմբեր 2025
Նոյեմբերի 2-ին տեղի ունեցավ «Ընտրական գործընթացի մասնակիցների գործունեությունը նախընտրական քարոզչության ժամանակահատվածում (վիրտուալ հաղորդակցության հարթակի հիման վրա)» թեմայով խաղ-մրցույթի առաջին փուլը հաջողությամբ հաղթահարած մասնակիցների առցանց հանդիպումը նախագծի կազմակերպիչների հետ:
Հանդիպման ընթացքում ԱՊՀ ՄԽՎ ԺԶՄՄԻ երևանյան մասնաճյուղի աշխատակիցները մասնակիցներին մանրամասն ներկայացրեցին երկրորդ փուլի անցկացման ձևաչափը և պահանջները, ինչպես նաև նախանշեցին առաջիկա առաջադրանքների կատարման ժամկետները:
Քննարկումն անցավ հետաքրքրվածության և արդյունավետ երկխոսության մթնոլորտում: Մրցույթի մասնակիցները ստացան երկրորդ փուլի կազմակերպմանն ու բովանդակությանը վերաբերող բոլոր հուզող հարցերի պատասխանները և կիսվեցին իրենց ակնկալիքներով ու ծրագրերով:
