ԱՊՀ ՄԽՎ դիտորդները ծանոթացել են Հայաստանում ընտրությունների նախապատրաստման ընթացքին

ԱՊՀ միջխորհրդարանական վեհաժողովի (ՄԽՎ) միջազգային դիտորդները շարունակում են 2026 թվականի հունիսի 7-ին Հայաստանում նախատեսված խորհրդարանական ընտրությունների նախապատրաստման երկարաժամկետ մոնիթորինգը։ Պատվիրակությունը մի շարք հանդիպումներ է անցկացրել Երևանում և երկրի մարզերում։

ԿԸՀ նախագահ Վահագն Հովակիմյանի հետ հանդիպմանը քննարկվել են ազգային դիտորդների կարգավիճակում կատարված փոփոխությունները, ընտրողների ցուցակների հստակեցումը, տեղամասերում տեսախցիկների տեղադրումը և սահմանափակ հնարավորություններով քաղաքացիների քվեարկության պայմանների ապահովումը։

Վարչական դատարանի նախագահ Կարեն Զարիկյանը դիտորդներին ծանոթացրել է ընտրական վեճերի լուծման կարգին։ Նա հայտնել է, որ այս պահին դատարան է ստացվել վեց դիմում, որոնք բոլորն էլ արդեն քննվել են սահմանված ժամկետներում։

Պատվիրակությունը քարոզարշավի մեկնարկը և տեղամասային ընտրական հանձնաժողովների ձևավորումը քննարկել է «Բարգավաճ Հայաստան», Հայաստանի Հանրապետական կուսակցությունների, ինչպես նաև «Ուժեղ Հայաստան» և «Հայաստան» դաշինքների ղեկավարության հետ։ Շտաբների ներկայացուցիչները դիտորդներին են ներկայացրել իրենց գնահատականները նախընտրական իրավիճակի վերաբերյալ։

Հիշեցնենք, որ Հայաստանի Ազգային ժողովում տեղերի համար պայքարում են 17 կուսակցություն և 2 քաղաքական դաշինք։